استمع
أنا ما بعرف أصفّ حروف
و أكون كلمات
و أركب جمل
كل الي بعرفو إني قول إللي بئلبي إلكـ
و أول كلمة رح قولها إلكـ
شكـــ يا ماما ـــرا
وئت اللي عرفتي إنكـ حامل
فرحتي كتيير
وبعيونكـ دمعتين
برغم أنكـ عارفة أدّي رح تتعبي
ورح تشوفي الويلين
و حضنتيني بألبكـ تسع شهور
و إنتي بتداري فيني و تئولي يا معين !!
و بعد كل هالتعب و الشقى ما فيني إلكـ غير
شكـــ يا ماما ـــرا
وجبتي بنووتكـ الزغيري
و إنتي طايرة من الفرحة
نسيتي وجع الولادة
و تخيلتيني بهالطرحة
و ضميتيني لألبك
و دموعك بعدهاا ما جفت من على خدك
و بعد كل هالتعب و الشقى ما فيني إلكـ غير
شكـــ يا ماما ـــرا
بديت أكبر و أكبر
وزيد التعب عليكي
و إنتي بس تشوفيني
تنسي كل حمل تئيل عليكي
و تؤولي بئلبك
الله يحييني تأفرح فيكي
و بعد كل هالتعب و الشقى ما فيني إلكـ غير
شكـــ يا ماما ـــرا
كبرت و صرت أمشي و أخرب بالبيت
و إنتي تركضي وراي و تؤولي ياريت
هالبنت تكبر و تصير ست البيت !!
يا حنونة يا إمي و الله تعبت أنا و مليت
من بكرا لعشية بيوم ما تهنيت
و إجي أنا بآخر النهار إرمي حالي عليكي
و إلكـ
مامي نَعْسٍيت !!
و بعد كل هالتعب و الشقى ما فيني إلكـ غير
شكـــ يا ماما ـــرا
و يا فرحتكـ فيني لما وعيت
قلتي " ليكوها بنوتي صارت صبية
هي سندي و ضهري بس كعيت "
وقلتيلي " تؤبريني يا إمي
خلي ألبكـ كبير ،، و عئلك كبير ،، و ما تتصرفي بدون تفكير !!"
و بديتي تعلميني أصول التدبير
و ما كنت قول بألبي غير
شكـــ يا ماما ـــرا
!!!!!!!!
و فوتت عالمدرسي
روضة
ابتدائي
إعدادي
ثانوي
و إنتي إيدكـ بإيدي
ما فكرتي تشيليها
و تضلي تئول يا تؤبريني
الله يرضى عليكي
متى رح شوفكـ عروس ببيتكـ و أفرح فيكي
لما تكون الدنيا مزعلتني
بركض لحضنكـ و هو اللي بيراضيني
و أنا بئلكـ يا إمي الله يخليكي
و يطول بعمركـ و يباركلي فيكي
و الله يئدرني أقدر أرد جمايلك علي
ولو إني بعرف ما رح وفيكي
بس لو ع الأقل أطمنلكـ بالكـ
وأقرّ عيونكـ فيني
و لو شو ما صار عمري
رح ضل طخي و أبوس تراب رجليكي
إنتي يا حنوني
ما رح تلاقي حدن غيري أحن عليكي
لأنو حنانكـ اللي اعطيتيني يا
بكفيني كل سنيني
لو شو ما قلت و حكيت
والله يا إمي ما وفيت
بس آخر كلمة بقولها إلكـ
غير ألبكـ ما لئيت
بحبكـ يا إمـــــــي
دمتم بخير
نــغ ــم